The Thorvaldsens Museum Archives

 
No. 2507 of 10186
Sender Date Recipient
J.H.B. Fortlage [+]

Sender’s Location

Osnabrück

8.4.1820 [+]

Dating based on

Dateringen fremgår af brevet.

Bertel Thorvaldsen [+]

Recipient’s Location

København

Information on recipient

Ingen udskrift.

Abstract

The commentary for this letter is not available at the moment.

See Original

Viro illustri atque excellentissimo,

Alberto Thorvaldsen,

Equiti Ord. Danebrog.

S.p.d.

I.H.B. Fortlage,

Rector Gymnasii Osnabrugensis.

Cur Tibi hunc libellum mitterem, nulla alia causa fuit, quam ut Tibi, cui omnes artium amantissimi peritissimique principatum in ea arte, quam tractas, facile deferunt, exiguum summae observantiae meae pignus tradere vellem. Equidem ipse egregia Tuae artis opera meis oculis non vidi; attamen eorum argumentum ac praestantiam ad Phidiae opera proxime accedentem ex descriptione in diariis publicis facta cognovi, et summum ingenium Tuum elegantiaeque exquisitissimae copiam ita admiratur sum, ut polliceri ac profiteri non dubitem, me, si quis alius, Tuis studiis bene cupere. Accipies igitur benevolo animo hoc munusculum, si rem spectas, exiguum, si animum donantis consideras, non contemnendum. Ceterum vota facio, ut Deus optimus maximus Te, Daniae decus atque ornamentum, quam diutissime salvum praestet, ut non modo patriam Tuam egregiis artis Tuae praestantissimae operibus lacupletare, sed et universum artium orbem Tuis monumentis condecorare veraeque pulchritudinis et elegantiae gustum disseminare ac propagare possis. Vale. Dabam Osnabrugae in terris Hannoveranis, d. VIII. Aprilis. MDCCCXX.

Archival Reference
m6 1820, nr. 13
Last updated 10.05.2011 Print